Geabaire ag feidhmiú ar tháibléad, ag tógáil na teachtaireachta 'dia duit tá mé anseo' trasna cláir nasctha agus á léamh siar sa bharra abairte
Geabaire: Cumarsáid agus Rannpháirtíocht trí Ghaeilge
Is é Geabaire an chéad ghléas cumarsáide bhreisithe agus mhalartach (AAC) siombail-bhunaithe a dearadh go sonrach don Ghaeilge. Tugtar rochtain d’úsáideoirí ar bheagnach 7,000 focal thar chláir téamaithe atá nasctha le chéile a chuireann ar a gcumas siombail, focail agus litreacha a chur le céile chun teachtaireachtaí a leanann struchtúr na Gaeilge a chumadh. Is féidir leis na húsáideoirí na teachtaireachtaí seo a sheinnt os ard ag baint úsáide as guthanna sintéiseacha ABAIR. Is le haghaidh úsáide ríomhaire agus táibléid a dearadh Geabaire, le leagan d’fhóin póca beartaithe don todhchaí.
D'eascair Geabaire as riachtanas a aithníodh san oideachas lán-Ghaeilge. Sa réimse seo ní raibh teacht ag páistí, a raibh gá acu le AAC, ar chóras cumarsáide seasmhach, iontaofa a bhí deartha go sonrach don Ghaeilge. Tacaíonn Geabaire le raon leathan cumarsáide. Is féidir le húsáideoirí AAC ceisteanna a chur, tuairimí agus mothúcháin a chur in iúl, diúltú, scéalta a insint, caidrimh a thógáil, agus teachtaireachtaí úrnua a chumadh. Trí rochtain a sholáthar ar chóras cumarsáide iontaofa Gaeilge, tacaíonn Geabaire le rannpháirtíocht bhríoch san oideachas, sa bhaile agus i measc phobal na Gaeilge i gcoitinne.
Tá Geabaire anois le fáil ar iPad agus ar Android
Déan an aip a íoslódáil gan aon chostas ón App Store nó Google Play.
Tuilleadh eolais
Eolas ar úsáid Geabaire agus conas tacú le húsáideoirí.
- Mar a fheidhmíonn GeabaireAn Príomhchlár; dáileadh na ndathanna; tacaíocht ghramadaí; guthanna; agus pearsantú.
- Ag Baint Úsáide as AACCéard is AAC ann; eiseamláiriú; cumarsáid uilíoch; ag tosú amach le AAC; dátheangachas; agus foireann a thógáil timpeall ar an úsáideoir.
- Úsáideoirí AAC agus a dteaghlaighAg tosú amach sa bhaile; eiseamláiriú laethúil; agus AAC a úsáid taobh amuigh den teach.
- Múinteoirí agus cúntóirí riachtanas speisialtaAAC sa seomra ranga; príomhchláir chlóite; comhbhá seachas smachtú; agus gníomhaíochtaí samplacha.
- Ceisteanna CoitiantaCeisteanna coitianta: cé dó Geabaire agus conas a úsáidtear é?
- Eolas faoin TionscadalAn fhoireann, na maoinitheoirí, an comhthéacs ó thaobh polasaithe de, agus na tacair siombailí a úsáideann Geabaire.
Nuacht ó ABAIR agus Geabaire
Ríomhphoist anois is arís ar an eolas is déanaí maidir le Geabaire, guthanna úra, fheidhmchláir agus taighde.
Teagmháil agus aiseolas
Más mian leat fadhbanna teicniúla, aiseolas, moltaí foclóireachta nó eile a chur in iúl, nó go deimhin a bheith mar chuid den lucht tástála, tar i dteagmháil linn trí leathanach teagmhála ABAIR.
Déan teagmháil linn
